" فواد عالم کو ڈراپ کرنا سمجھ سے باہر ہے"،وسیم اکرم

وسیم اکرم ٹویٹر آفیشل آکاؤنٹ

لاہور: پاکستان کرکٹ کے لیجنڈ اور سوئنگ باؤلنگ کے سلطان وسیم اکرم کا کہنا ہے کہ دورہ آئر لینڈ اورانگلینڈ میں پاکستان ٹیم کے لیے کنڈیشنز آسان نہیں ہوں گی، فواد عالم جیسے کرکٹر کو ڈومیسٹک کرکٹ میں رنز کرنے کے باوجود ڈراپ کرنا سمجھ سے باہر ہے۔


یہ بھی پڑھیں :- انگلینڈ،آئرلینڈ کیخلاف 16 رکنی ٹیسٹ سکواڈ کا اعلان،فواد عالم ایک مرتبہ پھر ٹیم میں جگہ بنانے میں ناکام

 گزشتہ روز دورہ انگلینڈ اور آئرلینڈ کے لیے قومی ٹیم کا اعلان ہواتو اس فواد عالم کا نام نہ پا کر شائقین کرکٹ نے مایوسی کا ظہار کیا ۔ان شائقین کرکٹ کو اس وقت خوشی ملی جب ان کی آواز کے ساتھ پاکستانی کرکٹ کے لیجنڈ اور سوئنگ کے سلطان وسیم اکرم نے بھی اپنی آواز ملا دی ،  لاہور میں میڈیا سے گفتگو کرتے ہوئے  سابق کپتان وسیم اکرم نے کہا کہ چیف سلیکٹر انضمام الحق اور ہیڈ کوچ مکی آرتھر اب نوجوان کرکٹرز کو موقع دے کر مستقبل کی طرف دیکھ رہے ہیں لیکن ڈومیسٹک کرکٹ کس لیے ہوتی ہے؟ اگر اس میں رنز کرنے والے کو موقع نہیں ملے گا تو کس کو ملے گا؟وسیم اکرم نے کہا کہ فواد عالم کو موقع نہ دینا سمجھ سے باہر ہے۔

یہ بھی پڑھیں :- کامن ویلتھ گیمز میں پہلا گولڈ میڈل جیتنے پر آرمی چیف کی ریسلر انعام بٹ کو مبارکباد

انہوں نے کہا کہ لیگ سپنر یاسر شاہ کے نہ ہونے سے ٹیم کو اس دورے میں نقصان ہو گا، دو سپنرز اور تین وپنرز ٹیم میں ہونے چاہیے تھے۔انہوں نے کہا کہ وہاب ریاض کی کارکردگی میں تسلسل نہیں اور وہ مہنگے ثابت ہوتے رہے ہیں۔سابق کپتان نے کہا کہ نوجوان کرکٹرز کو موقع دینا اچھی بات ہے، ٹیم میں فخر زمان کی شمولیت خوش آئند ہے۔

یہ بھی پڑھیں :- پیٹرنز ٹرافی گریڈ ٹو میچ میں امپائرز آپس میں لڑ پڑے

خیال رہے کہ چیف سلیکٹر انضمام الحق کی سربراہی میں کام کرنے والی 4 ارکان پر مشتمل سلیکشن کمیٹی نے دورہ آئرلینڈ اور انگلینڈ کے لئے 16 رکنی ٹیم کا اعلان کردیا ہے تاہم 32سالہ فواد عالم فرسٹ کلاس کرکٹ میں رنز کے انبار لگانے اور فٹنس میں خود کو بہترین ثابت کرنے کے باوجود ٹیم میں منتخب نہیں ہوسکے۔