اسلام آباد: پاکستان میں کورونا وائرس کے گزشتہ روز 76 نئے کیسز سامنے آئے، مثبت کیسز کا تناسب ایک فیصد سے نیچے آگیا جبکہ وبا کے باعث ایک بھی مریض کا انتقال نہیں ہوا ۔
نیشنل انسٹی ٹیوٹ آف ہیلتھ (این آئی ایچ) کی جانب سے جاری ہونے والے اعدادو شمار کے مطابق گزشتہ 24 گھنٹوں کے دوران ملک بھر میں کورونا کی تشخیص کیلئے 25 ہزار 363 ٹیسٹ کیے گئے جن میں سے 76 افراد کے ٹیسٹ مثبت آئے، مثبت کیسز کی شرح صفر اعشاریہ 30 فیصد ریکارڈ کی گئی۔
این آئی ایچ کے مطابق ملک بھر میں کورونا کے شکار 211 مریضوں کی حالت تشویشناک ہے جو انتہائی نگہداشت وارڈ میں زیر علاج ہیں۔
COVID-19 Statistics 16 Apr 2022
— NIH Pakistan (@NIH_Pakistan) April 16, 2022
Total Tests in Last 24 Hours: 25,363
Positive Cases: 76
Positivity %: 0.30%
Deaths: 00
Patients on Critical Care: 211
واضح رہے کہ کورونا نے ملک بھر میں مجموعی طور پر 30362 افراد کی جان لی۔ سب سے زیادہ اموات پنجاب میں ریکارڈ کی گئیں جہاں کورونا سے 13559 افراد جاں بحق ہو ئے۔ سندھ میں 8097 ، خیبر پختونخوا میں 6322، اسلام آباد میں 1023، آزاد کشمیر میں 792، بلوچستان میں 378، اور گلگت بلتستان میں 191 شہری کورونا کے باعث چل بسے۔
