اسلام آباد : سعودی فوج کے چیف آف جنرل سٹاف نے وزیر اعظم عمران خان سے ملاقات کی ہے ۔ وزیراعظم نے کہا کہ پاکستان اور سعودی عرب میں دفاعی تعلقات مزید مضبوط ہونگے۔
سرکاری اعلامیہ کے مطابق سعودی فوج کے چیف آف جنرل سٹاف اور وزیر اعظم عمران خان کے درمیان ملاقات میں اہم امور پر تبادلہ خیال کیا گیا۔
وزیر اعظم نے پاکستان سعودیہ دفاعی تعلقات پر اظہار اطمینان کیا اور امید کا اظہار کیا کہ مستقبل میں یہ تعلقات مزیدفروغ پائیں گے۔ وزیراعظم نے کہا کہ پاکستان کے عوام سعودی قیادت کو خصوصی تعظیم دیتے ہیں ۔ انہوں نے سعودی عرب کی سلامتی اور علاقائی خود مختاری کےتحفظ کیلئے پختہ عزم اور حمایت کا اعلان کیا ۔
General Fayyadh bin Hameed Al-Rowailly, Chief of the General Staff of the Armed Forces of the Kingdom of Saudi Arabia 🇸🇦 called on Prime Minister @ImranKhanPTI today. pic.twitter.com/1Z9ifT9Jnm
— Prime Minister's Office (@PakPMO) August 16, 2021
ملاقات کے دوران یمن کی تازہ ترین صورتحال پر بھی تبادلہ خیا ل کیا گیا۔ وزیراعظم نے سفارتکاری اور مذاکرات کے ذریعے مسلئے کے حل کی حمایت کی اور اس حوالے سے سعودی کوششوں کی تعریف کی ۔ سعودی آرمی چیف نے پاک فوج کے پیشہ ورانہ امور کی تعریف کی۔
