اسلام آباد:ایم ڈی کیٹ کے داخلہ ٹیسٹ کے نتائج کا اعلان پاکستان میڈیکل کمیشن(پی ایم سی) کی جانب کردیا گیا ہے۔
تفصیلات کے مطابق میڈیکل اینڈ ڈینٹل کالج کے داخلہ ٹیسٹ کیلئے پی ایم سی کی جانب سے نتائج کا اعلان کیا گیا ہے جس کے مطابق طلبہ اپنا رزلٹ پی ایم سی کی ویب سائٹ پر دیکھ سکتے ہیں۔
پی ایم سی کی جانب سے جاری کردہ بیان کے مطابق اس سال 1 لاکھ 21 ہزار 181 طلبہ ایم ڈی کیٹ میں شریک ہوئے جبکہ اس امتحان میں کامیابی حاصل کرنے والوں کی تعداد 67 ہزار 611 رہی ہے جبکہ طلبہ 60 فیصد سے زائد امتحان میں نمبر حاصل کرنے میں کامیاب رہے۔
یاد رہے کہ 29 نومبر کو ایم ڈی کیٹ کے لئے داخلہ امتحان لیا گیا تھا جبکہ عالمی وبا سے متاثرہ طلبہ کے لئے خصوصی امتحان 13 دسمبر کو لیا گیا تھا۔
پاکستان میڈیکل اینڈ ڈینٹل کے نائب صدر بیرسٹر علی رضا کا کہنا تھا کہ ایم ڈی کیٹ کیلئے 29 نومبر کو پاکستان میں 1 لاکھ 25 ہزار طلبہ نے درخواستوں میں اپنے ناموں کا اندراج کرایا تھا جبکہ 138 طلبا عالمی وبا کا ٹیسٹ مثبت ہونے کے باعث امتحان نہیں دے سکتے تھے۔
پی ایم سی کے نائب صدر بیرسٹر علی رضا نے بتایا تھا کہ ایم ڈی کیٹ 2020 کے لیے 29 نومبر کو پورے پاکستان میں ایک لاکھ 25 ہزار درخواست دہندگان نے اپنے ناموں کا اندراج کرایا تھا جبکہ ان میں سے 138 طلبا کورونا وائرس کا ٹیسٹ مثبت ہونے کی وجہ سے امتحان نہیں دے سکتے تھے۔
