کامرہ: مزید 16 جے ایف سیونٹین تھنڈر طیارے پاک فضائیہ کے بیڑے میں شامل

کامرہ: جے ایف سیونٹین تھنڈر طیارے کو پاکستان ائیر فورس 14 سکوارڈن کو دینے کے حوالے سے خصوصی تقریب منہاس ایئر بیس پر ہوئی اور اس تقریب کے مہمان خصوصی وزیر دفاع خواجہ آصف تھے ان کے ہمراہ ائر چیف مارشل سہیل امان بھی تقریب میں موجود تھے۔

اس موقع پر وزیر دفاع خواجہ آصف کو 14 سکوارڈن کی جانب سے گارڈ آف آنر پیش کیا گیا اور جے ایف سیونٹین تھنڈر نے شاندار فلائی پاسٹ کا مظاہرہ بھی کیا۔ وزیر دفاع نے جے ایف سیونٹین تھنڈر طیارے کا باقاعدہ طور پر معائنہ بھی کیا۔

آج 16 جے ایف سیونٹین تھنڈر طیارے پاک فضائیہ بیڑے میں شامل کر لئے گئے ہیں۔

واضح رہے جے ایف سیونٹین تھنڈر طیارے پاکستان اور چین کے اشتراک سے تیار کیے گئے ہیں اور اس وقت پاکستان ایئر فورس کے پاس بلاک 1 اور بلاک ٹو کے حامل جے ایف سیونٹین تھنڈر طیارے کی تعداد 70 سے زائد ہے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں