لاہور: سابق اولمپیئن اور ہاکی کی قومی ٹیم کے سابق اصلاح الدین کورونا وائرس میں مبتلا ہوگئے ہیں ۔
اصلاح الدین کورونا وائرس کے باعث کراچی کے آغاخان ہسپتال کے انتہائی نگہداشت وارڈ میں داخل ہیں ، وہ 130 انٹرنیشنل میچز میں 137 گول اسکور کرچکے ہیں ۔
سابق کوچ کے اہل خانہ نے عوام سے دعائے صحت کی اپیل کی ہے ۔ گزشتہ روز تعلیم پنجاب مراد راس کا کورونا ٹیسٹ مثبت آیا تھا۔ مراد راس نے سوشل میڈیا پلیٹ فارم ٹؤیٹر پر کورونا ٹیسٹ مثبت آنے کی تصدیق کی تھی ۔
انہوں نے ٹؤیٹر پر دیے گئے ایک پیغام میں تحریر کیا تھا کہ میرا کورونا ٹیسٹ مثبت آیا ہے ۔ جتنے لوگوں نے مجھ سے ملاقات کی وہ اپنے کورونا ٹیسٹ کروائیں ۔
انہوں نے ٹویٹ کے آخر میں دعائیہ کلمات بھی تحریر کیے کہ اللہ تعالیٰ آپ سب کی حفاظت فرمائیں ۔ دوسری جانب وفاقی وزیر اسد عمر نے کہا تھا کہ بزرگ شہریوں کے لیے کورونا ویکسین رجسٹریشن شروع کردی گئی ہے ۔
وفاقی وزیراسد عمر نے سماجی رابطے کی ویب سائیٹ ٹؤیٹر لکھا کہ 65 سال اور اس سے زائد عمر کے شہر کورونا ویکسین کے لیے اپنی رجسٹریشن کراسکتے ہیں ۔
انہوں نے کہا تھا کہ بزرگ شہری رجسٹریشن کے لیے اپنا شناختی کارڈ نمبر 1166پربھیجیں ، مارچ میں ویکسین کا عمل شروع کردیا جائے گا۔
