جنوبی افریقہ کیخلاف ون ڈے سیریز کیلئے قومی ٹیم پورٹ الزبتھ پہنچ گئی

جنوبی افریقہ کیخلاف ون ڈے سیریز کیلئے قومی ٹیم پورٹ الزبتھ پہنچ گئی
Image by cricbuzz

پورٹ الزبتھ : ٹیسٹ سیریز میں وائٹ واش کا بدلہ لینے کیلئے قومیون ڈے  ٹیم پورٹ الزبتھ پہنچ گئی ۔جہاں پانچ میچوں کی سیریز کا پہلا میچ کھیلا جائے گا ۔ ون ڈے سیریز کا آغاز 19 جنوری کو ہو گا جس کیلئے قومی ٹیم آج پورٹ الزبتھ میں آرام کرنے کے بعد کل سے پریکٹس سیشن کا آغاز کرے گی ۔


ٹیسٹ سیریز کھیلنے والے کھلڑی جو ون ڈے اسکواڈ کا حصہ نہیں بن پائے وہ وطن واپس آ ئے ہیں جبکہ ون ڈے سیریز میں شامل کھلاڑیوں نے ٹیم کو جوائن کر لیا ۔ ون ڈے سیریز کیلئے قومی ٹیم میں کپتان سرفراز احمد ، بابر اعظم ، شان مسعود ، فخر زمان ،  شعیب ملک ،محمد حفیظ ، حسین طلعت ، عماد وسیم ، فہیم اشرف ، شاداب خان ، محمد عامر ، حسن علی ، شاہین شاہ آفریدی ،عثمان شنواری اور محمد رضوان شامل ہیں ۔