سعودی عرب، غیر ملکی انجینئرز کا آن لائن امتحان ضروری

سعودی عرب، غیر ملکی انجینئرز کا آن لائن امتحان ضروری
فائل فوٹو

دمام:سعودی انجینئرز کونسل نے پابندی عائد کی ہے کہ مملکت میں ملازمت کے خواہش مند غیر ملکی انجینئرز کو ملازمت کے معاہدے سے قبل آن لائن امتحان دینا ہو گا۔


اس کے بغیر کسی بھی کمپنی یا انجینئرنگ کنسلٹنسی یا سرکاری و نجی اداروں کیلئے انجینئر کی ملازمت کا ویزا جاری نہیں کیا جائیگا۔

سعودی انجینئرز کونسل کے چیئرمین سعد الشہرانی نے یہ اطلاع دیتے ہوئے مکہ اخبار کو بتایا کہ یہ فیصلہ سعودی انجینئرز کو ملازمت کو مواقع فراہم کرنے ، جعلی انجینئرز کو مملکت میں آنے سے روکنے ، انجینئرز کی غلطیوں کے سدِ باب، کام کا معیار بلند کرنے اوراخراجات بچانے کی خاطر کیا گیا ہے۔