ندیم نصرت نے ایم کیو ایم لندن کو خیر آباد کہہ دیا

لندن : بانی ایم کیو ایم الطاف حسین کے قریبی ساتھی اور ایم کیو ایم لندن کے کنوینر ندیم نصرت نے پارٹی کو خیر آباد کہ دیا۔
ذرائع کے مطابق ندیم نصرت کے بانی ایم کیو ایم سے گزشتہ چند ماہ سے مالی معاملے پر اختلافات چل رہے تھے، جس میں شدت آنے کے بعد انہوں نے بانی ایم کیو ایم سے علیحدگی کا اعلان کیا۔
ذرائع نے کہا کہ علیحدگی کے بعد ندیم نصرت اہلخانہ کے ہمراہ لندن سے امریکا منتقل ہوگئے ہیں۔ذرائع کے مطابق واسع جلیل، انبساط ملک اور ذوالفقار حیدر سمیت ایم کیو ایم لندن کی رابطہ کمیٹی کے دیگر اہم رہنما پہلے ہی بانی کو چھوڑ چکے ہیں۔واضح رہے کہ اس سے قبل بھی ندیم نصرت کے الطاف حسین سے اختلافات کی خبریں سامنے آچکی ہیں۔