یورپ میں بھی مسواک کی مقبولیت میں اضافہ

یورپ میں کس چیز کی مقبولیت بڑھنے لگی جان کر آپ بھی حیران رہ جائیں گے

یورپ میں بھی مسواک کی مقبولیت میں اضافہ

برطانیہ: یونی نامی کمپنی نے ’را‘ مسواک کو فروخت کے لئے پیش کیا ہے جس کی قیمت 5 ڈالر رکھی گئی ہے، کمپنی مسواک کو صاف کرکے انہیں پلاسٹک کی تھیلی اور ٹیوب میں فروخت کررہی ہے۔ مسواک کے بارے میں بعض باتیں بالکل درست ہیں مثلاً یہ معدنیات اور وٹامن سے بھرپور ہوتی ہیں، کسی بھی وقت اور کسی بھی جگہ ان سے دانت صاف کئے جاسکتے ہے، یہ دانتوں کی اہم معدن برقرار رکھ کر اسے بحال کرتی ہے اور منہ کی تازگی اور دانتوں میں کیڑے کو روکتی ہے۔


عرب ممالک، پاک و ہند اور افریقی ممالک میں مسواک کے درخت کی شاخوں کو بطور مسواک استعمال کیا جاتا ہے اور اس کی قیمت بھی انتہائی کم ہوتی ہے۔اگرچہ یورپ میں متعارف کرائی گئی مسواک کی قیمت ذیادہ رکھی گئی ہے لیکن اس کے باوجود لوگ اسے دھڑا دھڑ خرید رہے ہیں۔ تاہم بعض لوگوں نے اسے پسند کیا ہے تو کئی افراد نے کہا ہے کہ مسواک کے بارے میں کئے گئے دعووں کے ثبوت دیئے جائیں۔