حمزہ شہباز کی عبوری ضمانت میں 25 اپریل تک توسیع

حمزہ شہباز کی عبوری ضمانت میں 25 اپریل تک توسیع
لاہور ہائیکورٹ کے دو رکنی بینچ نے آج کیس کی سماعت کی۔۔۔۔فوٹو/ آفیشل فیس بُک پیج

لاہور: رمضان شوگرملز، صاف پانی کرپشن اور منی لانڈرنگ کیس میں لاہور ہائیکورٹ نے حمزہ شہباز کی عبوری ضمانت میں 25 اپریل تک توسیع کر دی۔ عدالت نے آئندہ سماعت پر تینوں کیسز میں جواب جمع کروانے کا حکم دے دیا۔


لاہور ہائیکورٹ کے دو رکنی بینچ نے کیس کی سماعت کی۔ اپوزیشن لیڈر پنجاب اسمبلی حمزہ شہباز عدالت کے سامنے پیش ہوئے۔ وکیل نیب نے کہا صاف پانی کرپشن، رمضان شوگر ملز اور منی لانڈرنگ کیس میں رپورٹس جمع کروا دی ہیں۔

وکیل حمزہ شہباز نے کہا ہمیں جواب کی کاپیاں مکمل طور پر فراہم نہیں کی گئیں اور ہمیں جواب دینے کے لیے مہلت دی جائے۔ ہمیں نیب کے جوابات کی کاپیاں مکمل طور پر بروقت نہیں ملیں۔