ملالہ یوسف زئی کو آکسفورڈ یونیورسٹی میں داخلہ مل گیا

ملالہ یوسف زئی کو آکسفورڈ یونیورسٹی میں داخلہ مل گیا

لندن: برطانیہ کی آکسفورڈ یونیورسٹی کا شمار دنیا کی مشہور جامعات میں کیا جاتا ہے جہاں پڑھنے کا خواب ہر کوئی دیکھتا ہے اور پاکستان کی ملالہ یوسف زئی اس یونیورسٹی میں داخلہ لینے میں کامیاب ہو گئی ہیں۔ نوبیل انعام یافتہ ملالہ نے سماجی رابطے کی ویب سائٹ ٹوئٹر پر اپنے پیغام میں بتایا کہ ان کا آکسفورڈ یونیورسٹی میں داخلہ ہو گیا ہے جہاں وہ سیاست، فلسفہ اور معاشیات کے مضامین پڑھیں گی۔


ملالہ نے مزید لکھا کہ میں آکسفورڈ جانے کے لیے بے حد پرجوش ہوں تمام اے لیولز طلبہ نے اچھا کام کیا یہ مشکل ترین سال تھا اور مستقبل کے لیے نیک تمنائیں۔ ملالہ کے اس اعلان کے بعد ٹوئٹر صارفین نے اپنی خوشی کا اظہار کرتے ہوئے ملالہ کو مبارکباد دینا شروع کر دی۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں