جدہ : برطانیہ کے بعد سعودی عرب میں بھی کورونا سے بچاؤ کی ویکسین لگانے کا عمل شروع کر دیا گیا ہے ۔
تفصیلات کے مطابق سعودی وزارت صحت نے بتایا کہ ویکسین لگانے کا آغاز ایک سعودی خاتون اور مرد سے کیا گیا ، حکام کا کہناہےکہ غیر ملکی اور سعودی شہری رجسٹریشن کے بعد ویکسین لگوا سکیں گے ۔
سعودی عرب میں اس وقت تین لاکھ ساٹھ ہزار تین سو پینتیس افراد متاثر چھ ہزار اسی ہلاک ہوچکے ہیں ۔
فائزر کمپنی کی تیار کردہ ویکسین کی پہلی کھیپ گزشتہ روز سعودی عرب پہنچی تھی ، سعودی وزیر صحت نے ملک میں مقیم تمام مقامی و غیر ملکی افراد کو ہدایات کی ہے کہ وہ ویکسین کے لیے صحتی ایپ پر اپنی رجسٹریشن کرالیں ،
صحتی ایپ پر ویکسین کے لیے ایک لاکھ پچاس ہزار سے زائد افراد پہلے ہی اپنی رجسٹریشن کروا چکے ہیں ۔
رجسٹریشن کرانے والے افراد کو پہلے مرحلے میں کورونا ویکسین کے لیے بلایا جائے گا۔
تمام ملکی اور غیر ملکی شہریوں کو کورونا ویکسین مفت فراہم کی جائیگی ، ویکسین لگانے کا عمل تین مراحل میں مکمل کیا جائیگا۔
سعودی وزارت صحت کے مطابق چند شرائط کی تکمیل کے بعد کورونا ویکسین مفت فراہم کی جائیگی ، عوام کو وہ ویکسین مفت فراہم کی جائیگی ۔ جو تجرباتی مراحل سے گزرچکی ہے ۔ مجاز اداروں کی جانب سے جس کے استعمال کی منظوری مل چکی ہو ،
ویکسین کا سائیڈ افیکٹ نہ ہو اور وہ کورونا وائرس خٹم کرنے کی صلاحیت رکھتی ہو۔