اسلام آباد: وزیر اعظم عمران خان نے دورہ سمر قند کی تصاویر سوشل میڈیا پر شئیر کرتے ہوئے کہا کہ سمر قند کا دورہ شاندار تھا ۔
اپنی ٹویٹ میں عمران خان نے کہا کہ سمر قند 15 ویں صدی کے آغاز میں دنیا کے عظیم ترین شہروں میں شامل تھا ، تاریخی شہر میں امیر تیمور اور امام بخاری کے مزارات پر حاضری دی ۔
It was a wonderful experience to finally visit Samarkand, the greatest city in the world at the beginning of the 15th century. Visited the tombs of Amir Taimur pic.twitter.com/aIXSVdIVxr
— Imran Khan (@ImranKhanPTI) July 17, 2021
واضح رہے کہ دورہ ازبکستان کے اختتام پر عمران خان نے سمر قند کا دورہ کیا اور اس سرزمین میں آسودہ خاک امام بخاری رحمۃ اللہ علیہ کی مرقد پر حاضر ہوئے ۔
اور اس سرزمین میں آسودہ خاک امام بخاری رحمۃ اللہ علیہ کی مرقد پر حاضر ہوا۔pic.twitter.com/FbXrcp8goG
— Imran Khan (@ImranKhanPTI) July 17, 2021
تاشقند میں سینٹرل اینڈ ساؤتھ ایشیا کانفرنس سے خطاب کرتے ہوئے وزیر اعظم عمران خان کا کہنا تھا کہ سی پیک سے خطے کے ممالک میں رابطے مزید بڑھیں گے ، آج پاکستان اور بھارت کے درمیان سب سے بڑا تنازع مسئلہ کشمیر ہے ، اگر اس مسئلہ کو حل کرلیں تو اس کے بہترین نتائج ہوں گے ، انڈین مارکیٹ ، چین ، وسطی ایشیا اور پاکستان کے درمیان رابطے سے پورے خطے میں حالات بدلیں گے ۔
اس سے قبل وزیر اعظم عمران خان نے بھارتی صحافی کو کرارا جواب دیتے ہوئے کہا تھا کئی بار بھارت کو مہذب ہمسایہ بننے کا کہہ چکے ہیں لیکن ہر بار آ رایس ایس کی انتہا پسند ذہنیت آڑے آ جاتی ہے ۔
