لاہور کے تین بڑے ہسپتالوں میں کورونا کی ویکسئن ختم ہوگئی
کورونا وائرس سے بچاؤ کے لئے ویکسئن لگوانے والوں کا رش ایک دم بڑھ گیا ہے جس کی وجہ سے میوہسپتال ، جناح اور سروسز ہسپتال میں کورونا ویکسئن کا سٹاک ختم ہوگیا اوران ہسپتالوں میں کورونا سنٹرز کو تالے لگا دیئے گئے ہیں ۔ویکسی نیشن کیلئے آنے والے ہیلتھ پروفیشنلز بھی واپس چلے گئے۔
حفاظتی ٹیکہ جات پروگرام ( ای پی آئی) حکام کا کہنا ہے کہ لاہور کے سرکاری اسپتالوں کے سوا کسی ضلع میں ویکسین کی کمی نہیں جبکہ 4 ہزار کورونا ویکسین روزانہ ایکسپو سینٹر بھجوائی جا رہی ہیں۔
محکمہ صحت کے حکام کا کہنا ہے کہ 60 سال اور زائد عمر کے افراد کی کورونا ویکسینیشن کا سلسلہ ایکسپو سینٹر لاہور میں جاری ہے۔
اُدھر وزیر صحت پنجاب یاسمین راشد کا کہنا ہے کہ 60 سال سے زائد عمر کے افراد ایکسپو سینٹر سے ویکسین لگوائیں تاہم اسپتالوں میں سینیئر شہریوں کو ویکسین نہیں لگائی جائے گی۔