معروف بھارتی اداکار کورونا وائرس کے ہاتھوں زندگی کی بازی ہار گیا

انٹرٹینمینٹ 
 
معروف بھارتی اداکار کورونا وائرس کے ہاتھوں زندگی کی بازی ہار گیا
سورس: فوٹو: بشکریہ ٹوئٹر

نئی دہلی: بھارت کی مقامی فلم انڈسٹری کے معروف اداکار نتیش ویرا کورونا وائرس کے ہاتھوں زندگی کی بازی ہار گئے ہیں جنہوں نے سوگواران میں اہلیہ اور دو کمسن بیٹیاں چھوڑی ہیں۔ 

بھارتی میڈیا رپورٹس کے مطابق 45 سالہ نتیش میں گزشتہ دنوں کورونا وائرس کی تشخیص ہوئی تھی جس کے بعد وہ بھارتی شہر چنائی کے مقامی ہسپتال میں زیر علاج تھے تاہم آج وہ زندگی کی بازی ہار گئے۔ اداکار کی موت پر فلم انڈسٹری میں سوگ کی فضا ہے اور نامور اداکاروں کی جانب سے افسوس کا اظہار کیا جارہا ہے۔

رانا ثناء اللہ نے عمران خان کو دھمکی دی ، عدالت نوٹس لے: اسد عمر 

اداکار نے رجنی کانت سمیت کئی نامور اداکاروں کے ساتھ فلموں میں معاون اداکار کے طور پر کام کیا جن میں ایک بھارت کی نیشنل ایوارڈ یافتہ فلم ’آسوران‘ بھی شامل ہے۔ واضح رہے کہ بھارت میں کورونا کی دوسری لہر کے دوران کئی اداکار و ہدایتکار کورونا کا شکار ہوچکے ہیں۔