اسلام آباد: پاکستان مسلم لیگ (ن) کی ترجمان مریم اورنگزیب نے کہا ہے کہ نالائق ، نااہل اور سیلیکٹڈ حکومت اپنی تاریخی ناکامیوں اور عوام پہ ظلم کی داستان بڑے فخر سے سنائے گی ، سیلیکٹڈ نالائق اور نااہل وزیراعظم ایک بار پھر اتنا جھوٹ بولیں گے کہ اپنے اگلے پچھلے تمام قائم ریکارڈ توڑ دیں گے آج عمران صاحب ایک سال کی بھوک ، مہنگائی اور بے روزگاری کے سونامی کی تفصیلات سے عوام کو آگاہ کریں۔
مریم اورنگزیب نے حکومت کی ایک سالہ ر پورٹ پیش کرنے پہ بیان میں کہا کہ آج عمران صاحب آج جھوٹ بولنے سے پہلے سوچ لینا کہ پاکستانی عوام نہ پاگل ہے اور نہ بیوقوف ہے آج پھر عمران صاحب اپنی ناکامیوں اور نالائقی کو پچھلی حکومتوں پہ ڈالنے اور چور چور ڈاکو ڈاکو کاچورن بیچیں گے۔ انہوں نے کہا آج عمران صاحب ایک سال کی بھوک ، مہنگائی اور بے روزگاری کے سونامی کی تفصیلات سے عوام کو آگاہ کریں گے آج عمران صاحب بتائیں گے کہ ایک سال میں پاکستان خطے کا دوسرا مہنگا ترین ملک بن گیا ہے۔
آج عمران صاحب بتائیں گے کہ ایک سال میں ترقی کی شرح آدھی اور مہنگائی تین گنا بڑھ گئی ہے، آج عمران صاحب بتائیں گے کہ ایک سال میں گیس کے نرخوں میں دو سو فیصد اور بجلی کی قیمت میں35 فیصد اضافہ کیا ہے، آج عمران صاحب بتائیں گے کہ ایک سال میں سات ہزار ارب روپے کا تاریخی قرضہ لے کر ریکارڈ قائم کیا ہے۔
آج عمران صاحب بتائیں گے کہ ایک سال میں بیرونِ ملک سرمایہ کاری آدھی ہو گئی ہے۔ انہوں نے کہا آج عمران صاحب بتائیں گے کہ ایک سال میں سود کی شرح % 5.25 سے %13.75 ہو گئی ہے آج عمران صاحب بتائیں گے کہ پشاور میٹرو کے کھڈوں کی قیمت ایک کھرب تک پہنچ گئی ہے، آج عمران صاحب بتائیں گے کہ ایک سال میں سٹاک اِکسچینج میں % 32 کمی ہو گئی ہے ،آج عمران صاحب بتائیں گے کہ ایک سال میں روپے کی قدر میں 33 فیصد تاریخی کمی ہوئی۔
آج عمران صاحب بتائیں کہ ایک سال میں ایک تولہ سونا 34050 روپے سے 88400 روپے ہو گیا ،آج عمران صاحب عوام کو بتائیں گے کہ ایک سال میں کتنےہزار ارب ڈالر منی لانڈرنگ کے واپس آئیں ہیں۔
