لندن : پی آئی اے نے برطانوی سپریم کورٹ میں تاریخی مقدمہ جیت لیا،
تفصیلات کے مطابق پی آئی اے نے برطانوی سپریم کورٹ میں تاریخی اہمیت کا مقدمہ جیت لیا، وکیل پی آئی اے کا کہنا ہے کہ 5لارڈ جسٹسز نے پی آئی اےکے حق میں متفقہ فیصلہ سنایا، جس میں عدالت نے2012 میں پی آئی اے کی جانب سے ٹکٹوں کی فروخت کے لیے معاہدے کو قانونی قرار دے دیا۔
فرحان فارانی کا کہنا ہے کہ مقدمہ ہارنے کی صورت میں پی آئی اےکوبڑانقصان ہو سکتا تھا، پی آئی اے کئی ملین پاؤنڈ کے نقصان سے بچ گئی، یہ معاملہ اس قدر سنگین تھا کہ روس اور یوکرین نے بھی اس معاملے میں مداخلت کی، ان کے کیسز پر بھی اس کے اثرات پڑیں گے۔
ان کا مزید کہنا تھا کہ سپریم کورٹ کا فیصلہ موثر طور پر تجارتی معاہدوں کی حدود کا تعین کرے گا اور اس کے بعد پی آئی اے کو ٹکٹوں پر فیول سرچارج کی مد میں ایجنٹس کو کمیشن ادا نہیں کرنا پڑے گا۔
خیال رہے برمنگھم کے برٹش پاکستانی ٹریول ایجنٹ نے پی آئی اے کے خلاف مقدمہ کیا تھا،جسمیں کہا گیا تھا کہ 2012 میں معاشی دباؤ کے بعد اسے کمیشن کی ادائیگی کے بغیر نیا معاہدہ کرنے پر مجبور کیا گیا۔
