ممبئی : بھارتی اداکار رنویر سنگھ اپنی شرارتوں کی وجہ سے کافی مشہور ہیں ، اور اپنے سادہ پن کی وجہ سے لوگوں میں گھل مل بھی جاتے ہیں ۔
گزشتہ روز اپنی فلم کی تشہیر کے لیے مقامی ہوٹل میں تقریب ہو رہی تھی جس میں رنویر سنگھ اپنے شائقین سے اپنی آنے والی فلم" سمبا" کے بارے میں بتا رہے تھے ۔
لیکن اچانک انہیں پتہ چلا کہ اسی ہوٹل میں ایک طرف شادی کی تقریب چل رہی ہے ۔ بس پھر کیا تھا رنویر سنگھ میں اپنا چنچل جذبہ جاگا اور جناب پہنچ گئے شادی کی تقریب میں پہلے تو شادی والوں کو پتہ ہی نہیں چلا لیکن جیسا ہی یہ معلوم ہوا کہ سپر سٹار رنویر سنگھ وہاں آئے ہیں تو ہر طرف سے شور مچ گیا ۔
اس موقع پر رنویر سنگھ نے شادی میں شمولیت کرنے والوں کے ساتھ سلیفیاں بھی بنوائی۔
