اسلام آباد: وزیر داخلہ رانا ثناء اللہ نے کہا ہے کہ عارف علوی صدر پاکستان بنیں ،عمران خان کے ترجمان نہ بنائیں۔ان کا الیکشن کی تاریخ کے اعلان سے کوئی تعلق نہیں۔ عارف علوی الیکشن کمیشن کے آئینی اختیارات میں مداخلت کر رہے ہیں۔
رانا ثنا نے اپنے ٹویٹ میں کہا کہ صدر کا الیکشن کی تاریخ کے اعلان سے کوئی سروکار نہیں، الیکشن کی تاریخ دینا الیکشن کمشن کی آئینی ذمہ داری ہے، عارف علوی EC کے آئینی اختیار میں مداخلت کر رہے ہیں۔ عارف علوی فارن فنڈنگ کیس شریک جرم ہیں، عمران صدر کے منصب کے ذریعے الیکشن کمیشن کو دباؤ میں لانے کی کوشش کر رہا ہے۔
https://twitter.com/RanaSanaullahPK/status/1626984093198974977
وزیر داخلہ کا کہنا تھا کہ عارف علوی صدر پاکستان بنیں، عمران خان کے ترجمان نہ بنیں۔ صدر کے منصب کی عزت کا پاس کریں، پہلے بھی عمران خان نے صدر، سپیکر، ڈپٹی سپیکر اور گورنر سے آئینی شکنی کرائی۔ سپریم کورٹ نے اس عمل کو آئین شکنی قرار دیا تھا۔ صدر کے آئینی منصب کو پارٹی ترجمان کے عہدہ میں بدلنا افسوسناک ہے۔