فیس بک نے پاکستانی صارفین کیلئے ”فیچر گارڈ“ متعارف کرا دیا

فیس بک نے پاکستانی صارفین کیلئے ”فیچر گارڈ“ متعارف کرا دیا

لندن:سماجی رابطوں کی سب سے بڑی ویب سائٹ فیس بک نے پاکستانی صارفین کیلئے پروفائل پیکچر کو مزید محفوظ بنانے کیلئے ” فیچر گارڈ “ کے نام سے نیا فیچر متعارف کرا دیا۔


رپورٹس کے مطابق فیس بک کی جانب سے یہ اقدام صارفین کی شکایات کے پیش نظر کیا گیا ہے جس میں صارفین نے ذاتی تصاویر کو ڈاوو¿ ن لوڈ کر کے اس کے غلط استعمال کے رویوں کی حوصلہ شکنی کے لیے فیس بک سے استدعا کی تھی۔اس فیچر کے ذریعے فیس بک صارفین بطور ڈی پی استعمال کرنے والی اپنی نجی تصاویر کو تین طرح محفوظ بناسکتے ہیں۔

اول تصویر کو ڈاون لوڈ کرنے یا شیئر کرنے سے روکا جاسکتا ہے، دوم صرف آپ یا آپ کے دوست تصویر کو ٹیگ کرسکتے ہیں اور سوم ڈی پی پر شیلڈ کا نشان آویزاں ہونا جس کی وجہ سے دیگر صارفین پروفائل تصویر کو چوری کرنے کی کوشش سے باز رہیں گے جب کہ اینڈرائیڈ فون کے ذریعے ڈی پی یا ذاتی تصاویر کا اسکرین شارٹ بھی نہیں لیا جاسکے گا۔

فیس بک صارفین بالخصوص خواتین نے اس فیچر کو سراہا ہے۔ صارفین کا کہنا ہے کہ ایسے فیچرز سے فیس بک کا استعمال سہل ہی نہیں بلکہ محفوظ بھی ہوجائے گا۔