بھارتی ریاست گوا کے وزیراعلیٰ منوہر پاریکر چل بسے

بھارتی ریاست گوا کے وزیراعلیٰ منوہر پاریکر چل بسے
پاریکر نیو یارک، دہلی، ممبئی اور گوا کے اسپتالوں میں زیرعلاج رہے۔۔۔۔۔فوٹو/ بشکریہ انڈین میڈٰیا

نئی دلی: بھارت کی ریاست گوا کے وزیراعلیٰ اور سابق وزیردفاع منوہر پاریکر طویل علالت کے بعد چل بسے۔


بھارتی میڈیا کے مطابق منوہر پاریکر بھارت کی حکمران جماعت بھارتیہ جنتا پارٹی کے اہم رکن تھے اور گزشتہ سال فروری میں ان میں ایڈوانسڈ پین کریاٹک کینسر کی تخیص ہوئی تھی۔

پاریکر نیو یارک، دہلی، ممبئی اور گوا کے اسپتالوں میں زیرعلاج رہے تاہم گزشتہ روز وہ اپنے آبائی گھر میں دوران علاج چل بسے۔

منوہر پاریکر 2014 سے 2017 تک بھارت کے وزیر دفاع رہے ہیں جب کہ وہ 3 بار بھارتی ریاست گوا کے وزیراعلیٰ رہے ہیں اور انتقال کے وقت بھی گوا کے وزیراعلیٰ تھے۔

منوہر پاریکر انتہائی علیل ہونے کے باوجود بھی اپنے فرائض سرانجام دیتے رہے اور کئی سرکاری تقریبات میں شرکت کی۔