نئی دہلی: بھارتی وزیراعظم نریندر مودی نے اپنے آفیشل ٹوئٹر اکاؤنٹ میں نام سے پہلے چوکیدار کے لفظ کا اضافہ کیا ہے جس کے بعد ان کے ٹوئٹر اکاؤنٹ پر 'چوکیدار نریندر مودی' لکھا ہے۔
اس حوالے سے بھارتی وزیر اعظم نے ایک ٹوئٹ بھی کی جس میں کہا کہ 'میں بھی چوکیدار ہوں ہر شخص کے اندر ایک چوکیدار ہوتا ہے'۔
دوسری جانب بھارتی وزیراعظم کے بعد بی جے پی کے دیگر رہنماؤں نے بھی اپنے ناموں کے ساتھ چوکیدار لگانا شروع کر دیا ہے۔
Fellow Indians,
Happy that #MainBhiChowkidar has ignited the Chowkidar within all of us. Great fervour!
Ecstatic to see the passion and commitment to protect India from corrupt, criminal and anti-social elements.
Let us keep working together for a developed India.
— Chowkidar Narendra Modi (@narendramodi) March 17, 2019
یاد رہے کہ بھارت میں آئندہ ماہ سے انتخابات شروع ہو رہے ہیں جس کے لیے ملک بھر میں انتخابی جلسے جاری ہیں جس میں اپوزیشن جماعت کانگریس کے صدر راہول گاندھی کی جانب سے نریندر مودی کو 'چور چوکیدار' قرار دیا جا رہا ہے۔
کانگریس نے بھارت اور فرانس کے درمیان 36 لڑاکا طیارے 'رافیل' کے معاہدے پر بھی شدید تنقید کرتے ہوئے نریندر مودی پر کرپشن کے الزامات عائد کیے تھے اور یہ معاملہ بھارت کی اعلیٰ عدالت میں زیرسماعت ہے۔
