لاہور: پاکستان کرکٹ بورڈ (پی سی بی) نے بنگلہ دیش کے خلاف پہلے ٹی 20 میچ کیلئے قومی ٹیم کا اعلان کر دیا ہے جس کے مطابق کپتان بابراعظم جبکہ نائب کپتان ہوں گے۔
پی سی بی کی جانب سے سماجی رابطوں کی ویب سائٹ ٹوئٹر پر 12 رکنی ٹیم کا اعلان کیا گیا ہے۔ ٹیم کی قیادت بابراعظم کر رہے ہیں جبکہ دیگر کھلاڑیوں میں محمد رضوان، حیدر علی، فخر زمان، شعیب ملک، خوشدل شاہ، محمد نواز، حسن علی، محمد وسیم جونیئر، حارث رؤف اور شاہین شاہ آفریدی شامل ہیں۔
واضح رہے کہ پاکستان اور بنگلہ دیش کرکٹ ٹیموں کے درمیان پہلا ٹی 20 میچ کل ڈھاکہ میں کھیلا جائے گا جو پاکستانی وقت کے مطابق دوپہر ایک بجے شروع ہو گا جبکہ دیگر دو میچز 20 اور 22 نومبر کو کھیلے جائیں گے۔
