لاہور : معروف صحافی ماہر تعلیم اوردانشور اجمل خان نیازی انتقال کرگئے ۔ مرحوم طویل عرصے سے علیل تھے ۔
تفصیلات کے مطابق ماہر تعلیم اور صحافی اجمل خان نیازی کو گذشتہ رات طبعیت خراب ہونے پر مقامی ہسپتال لے جایا گیا لیکن وہ جانبر نہ ہوسکے ۔
خاندانی ذرائع کا کہنا ہے کہ وہ طویل عرصے سے شوگر اور دل کے عارضے میں مبتلا تھے اور ان کا علاج چل رہا تھا ۔ اتوار کی شام کو طبعیت خراب ہونے پر ان کو ہسپتال لے جایا گیا لیکن رات دیر گئے ان کی روح پرواز کرگئی ۔
ان کی نماز جنازہ شام چار بجکر 30 منٹ پر وحدت کالونی میں ان کے گھر کے قریب اداکی جائے گی ۔
مرحوم اجمل نیازی کئی سالوں سے مختلف اخبارات میں بے نیازیاں کے نام سے کالم نگاری کرتے تھے ۔ ان کی ادبی خدمات پر حکومت پاکستان کی طرف سے ستارہ امتیاز سے نوازاگیا تھا ۔
