صدر مملکت نے میرا استعفیٰ قبول کر لیا: عمران اسماعیل

صدر مملکت نے میرا استعفیٰ قبول کر لیا: عمران اسماعیل

کراچی: صدر مملکت عارف علوی نے سندھ کے 33 ویں گورنر عمران اسماعیل کا استعفیٰ منظور کر لیا ہے جس کی تصدیق انہوں نے سوشل میڈیا پر کی۔ 

تفصیلات کے مطابق عمران اسماعیل نے استعفیٰ منظور ہونے پر سماجی رابطوں کی ویب سائٹ ٹوئٹر پر جاری بیان میں تصدیق کرتے ہوئے لکھا’ میں نے امپورٹڈ وزیراعظم کیلئے کام کرنے کے بجائے گورنر سندھ کے عہدے سے استعفیٰ دیدیا تھا۔ صدر نے آج خوش اسلوبی سے میرا استعفیٰ منظور کر لیا ہے۔ میں عمران خان کا تہہ دل سے شکر گزار ہوں کہ انہوں نے مجھ پر اعتماد کیا، میں ان تمام لوگوں کا شکریہ بھی ادا کرتا ہوں جنہوں نے گزشتہ 43 مہینوں کے دوران مکمل تعاون کرتے ہوئے کام کیا۔‘ 

واضح رہے کہ عمران خان کے خلاف تحریک عدم اعتماد کامیاب ہونے اور وزیراعظم کے عہدے سے ہٹنے کے بعد گورنر سندھ عمران اسماعیل نے استعفیٰ دیدیا تھا، کابینہ ڈویژن نے گزشتہ روز استعفیٰ منظور کر کے نوٹیفکیشن بھی جاری کر دیا ہے۔ 

مصنف کے بارے میں