اسلام آباد: برطانوی صحافی ڈیوڈ روز نے شہباز شریف کے خط کا جواب دینے کا اعلان کر دیا، ساتھ ہی یقین دلایا کہ میرا آرٹیکل پلانٹڈ نہیں تھا۔
شہباز شریف پر زلزلہ زدگان کے پیسے ہڑپنے کا الزام لگانے والے صحافی ڈیوڈ روز کی دوبارہ انٹری، ٹوئٹ کیا ہم جلد ہی شہباز شریف کے وکیل کو جواب دیں گے، ساتھ ہی یقین دلایا کہ میرا آرٹیکل پلانٹڈ نہیں تھا۔ ٹوئٹر پیغام میں کہا اگر شہباز شریف واقعی انہیں اور ڈیلی میل کے خلاف ہر جانے کا دعویٰ دائر کرتے تو انہیں ان کی بیوی اور بچوں کو عدالت میں یہ وضاحت پیش کرنی پڑتی کہ وہ ایسے لوگوں سے جن کے پاس کچھ بھی نہیں تھا کیسے نقد سرمایہ کاری کراتے رہے۔ واضح رہے کہ شہباز شریف نے عدالت جانے کی بجائے خبر پر اخبار سے وضاحت طلب کی تھی۔
