سابق بھارتی کرکٹر ظہیر خان اور اداکارہ ساگریکا کی شادی کے سوشل میڈیا پر چرچے

نئی دہلی : کرکٹر ٹیم کے سابق فاسٹ باولر ظہیر خان اور اداکارہ ساگریکا کی شادی کی اطلاعات نے سوشل میڈیا پر زور پکڑ لیا ۔ میڈیا رپورٹ کےمطابق سابق فاسٹ باولر ظہیر خان اور بالی ووڈ اداکارہ ساگریکا گھاٹگے کے درمیان سالوں پر محیط دوستی مزید مضبوط ہو گئی اور امکان ظاہر کیا جا رہا ہے کہ دونوں بہت جلد رشتہ ازدواج میں منسلک ہو جائیں گے۔ دونوں بھارتی کرکٹر یوراج سنگھ اور ہیزل کیچ کی شادی میں ایک ساتھ نظر آئے۔
دونوں کو ایک ساتھ خوش دیکھ کر ظہیر خان کے دوستوں نے سماجی رابطوں کی ویب سائٹس پر اپنے پیغامات میں جوڑی کیلئے نیک خواہشات کا اظہار بھی کیا ہے جسے دیکھ کر باآسانی اندازہ لگایا جا سکتا ہے کہ دونوں نے ایک دوسری سے شادی کے بارے میں اپنے دوستوں کو آگاہ کر رکھا ہے۔