طیارہ گمشدگی کیس، پی آئی اے کا جہاز گم نہیں ہوا فروخت کیا گیا،سپریم کورٹ میں جواب

طیارہ گمشدگی کیس، پی آئی اے کا جہاز گم نہیں ہوا فروخت کیا گیا،سپریم کورٹ میں جواب

اسلام آباد :طیارہ گمشدگی کیس میں پی آئی اے نے جواب سپریم کورٹ میں جمع کرا دیا جس میں کہا گیا کہ پی آئی اے کا جہاز گم نہیں ہوا فروخت کیا گیا۔


پی آئی اے کی جانب سے سپریم کروٹ میں جمع کرائے جانے والے جواب میں کہا گیا کہ طیارہ اپنی عمر 2016 میں پوری کر چکا تھا، سول ایوی ایشن کے اجازت سے جہاز گرانڈ ہونے کیلئے جرمنی بھیجا گیا، جہاز کو فلم کی شوٹنگ کیلئے بھی استعمال کیا گیا، شوٹنگ کی مد میں پی آئی اے کو 2 لاکھ دس ہزار یورو ملے۔

جواب میں مزید کہا گیا کہ جہاز ایک لاکھ تین ہزار، دو انجن تیرہ لاکھ ڈالر میں فروخت ہوئے، موجودہ انتظامیہ نے چارج سنبھالا تو نیب اور ایف آئی اے تحقیقات کر رہے تھے، پی آئی اے انتظامیہ تحیقیقات میں بھرپور تعاون کر رہی ہے۔

جواب میں ایئر مارشل ارشد ملک کا پاکستان ایئر فورس سے جاری این او سی بھی جمع کرا دیا گیا۔