اردن: اردن کے فرمانروا شاہ عبداللہ دوم نے دارالحکومت اومان کے نواحی علاقے الکمالیہ میں لگنے والی آگ پر قابو پانے کے لیے جاری ریسکیو آپریشن میں خود بھی براہ راست حصہ لیا۔ انہوں نے آگ پر قابو پانے میں معاونت پر اداروں اور عام شہریوں کا بھی شکریہ ادا کیا۔ذرائع کے مطابق اردنی فرمانروا شاہ عبداللہ دوم نے الکمالیہ کے مقام پر لگنے والی آگ پر قابو پانے کے لیے جاری آپریشن میں خود بھی حصہ لیا۔
بادشاہ سلامت کو ریسیکیو آپریشن میں دیکھ کر فائر بریگیڈ کے کارکنوں کا حوصلہ بھی بڑھا اور عام شہری بھی اس امدادی آپریشن میں کود پڑے۔ٹوئٹر پر پوسٹ ایک بیان میں شاہ عبداللہ دوم نے کہا کہ آتش زدگی کے بعد جس ہمت اور بہادری کے ساتھ ہمارے فوجی اور سول اداروں کے کارکنوں نے ریسکیو آپریشن میں حصہ لیا، اس پروہ بجا طور پر داد تحسین کے مستحق ہیں۔
انہوں نے آپریشن میں حصہ لینے تمام سرکاری اور غیر سرکاری اداروں اور شہریوں سب کا شکریہ ادا کیا۔سماجی کارکنوں نے سوشل میڈیا پر شاہ عبداللہ دوم کی تصاویر بھی پوسٹ کی ہیں جن میں انہیں درختوں کے بیچ آگ پر قابو پانے کے لیے جاری ریسکیو آپریشن میں سرگرم دیکھا جاسکتا ہے۔ شاہ عبداللہ کی ریسکیو آپریشن میں شرکت کی تصاویر کو سوشل میڈٰیا پر غیرمعمولی طور سراہا جا رہا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں۔
