ممبئی:راتوں رات سوشل میڈیا کے ذریعے شہرت کی بلندیو ں کو چھونے والی بھارتی ملیا لم اداکارہ پریا پرکاش واریئر کے نئے فوٹو شوٹ نے بھی لوگوں کو اپنا گرویدہ بنالیا ہے۔
بھارتی میڈیا رپورٹ کے مطابق اپنی آنکھوں کے خاص تاثرات کی وجہ سے ویڈیو کلپ سوشل میڈیا کے ذریعے ’نیشنل کرش‘ کا اعزاز پانے والی پریا پرکاش کا اب فوٹو شوٹ بھی سامنے آگیا ہے جس کو ان کے مداحوں کی جانب سے خاصی پذیرائی مل رہی ہے ۔
54c9bca5f4ead7664cd0dd7c8e39f50c
اب کی بار پریا پرکاش کے جس فوٹو شوٹ نے دھوم مچار رکھی ہے اس کی تصاویر اداکارہ نے اپنے انسٹا گرام اکاﺅنٹ پر بھی شیئر کی ہیں جبکہ ان تصاویر میں انہوں نے گلابی اور سیاہ رنگ کا گاﺅن زیب تن کیا ہوا ہے جس میں وہ خاصی جاذب نظر لگ رہی ہیں۔
یہ بھی پڑھیں:بھارتی سپریم کورٹ نے پریا پرکاش کے خلاف شکایت درج کرانیوالوں کو نوٹس جاری کر دیے
خیال رہے کہ پریا پرکاش کے حال ہی میں ویڈیو کلپ سامنے آئے تھے جو کہ ایک ملیا لم فلم کے گانے سے لئے گئے تھے جس میں اداکارہ کے ’آئی بروز‘ کے انداز نے سوشل میڈیا صارفین کو اپنے سحر میں جکڑ لیا تھا جبکہ اس کے بعد اداکارہ نے انسٹا گرام پر فالورز کی فہرست میں فیس بک کے بانی مارک زکر برگ کو بھی پیچھے چھوڑ دیا تھا۔
