تھرکول سے بجلی کی پیداوار شروع ہو گئی

تھرکول سے بجلی کی پیداوار شروع ہو گئی
تھرکول منصوبے کا آغاز 2011 میں سندھ حکومت اور نجی کمپنیوں کے اشتراک سے ہوا تھا۔۔۔۔۔۔فوٹو/ اسکرین گریب

تھر: تھر کول سے بجلی کی پیداوار شروع ہو گئی اور 330 میگا واٹ پاور پلانٹ سے نیشنل گرڈ کو بجلی کی فراہمی جاری ہے۔


نیشنل گرڈ کو بجلی کی فراہمی کے موقع پر تھر کول اتھارٹی کے ملازمین نے ایک دوسرے سے گلے مل کر مبارکبادیں دیں اور جشن منایا۔

وزیر توانائی سندھ امتیاز شیخ نے بھی اس کی تصدیق کرتے ہوئے پیپلز پارٹی کی قیادت اور سندھ کے عوام کو مبارک باد دی ہے۔

یاد رہے کہ تھرکول منصوبے کا آغاز 2011 میں سندھ حکومت اور نجی کمپنیوں کے اشتراک سے ہوا اور توقع ظاہر کی جا رہی ہے کہ منصوبے کی تکمیل کے بعد 2020 تک دو ہزار میگاواٹ بجلی کی پیدوار شروع ہو جائے گی۔