اسلام آباد: پاکستان مسلم لیگ (ن) کی سینئر نائب صدر مریم نواز نے زمان پارک آپریشن کی تصاویر اور ویڈیوز شیئر کرتے ہوئے کہا ہے کہ دیکھیں انہیں! یہ سیاسی لوگ نہیں تربیت یافتہ دہشت گرد ہیں جو کالعدم تنظیموں سے یہاں بھرتی کئے گئے۔
تفصیلات کے مطابق مریم نواز شریف نے کہا ہے کہ انہیں غور سے دیکھیں! سچ کو چھپانا مشکل ہے۔ یہ سب سیاسی کارکنان نہیں یہ تربیت یافتہ دہشت گرد ہیں جو ان کالعدم تنظیموں سے یہاں بھرتی کئے گئے جن کی عمران خان ہمیشہ حمایت کرتا رہا ہے۔
پاکستان مسلم لیگ (ن) کی چیف آرگنائزر مریم نواز شریف نے مزید کہا کہ ثبوت خود اپنے منہ سے بولتا ہے، حکومت اس پر ضرور کارروائی کرے اس سے قبل کہ دیر ہوجائے۔
