پاکستانی اداکارہ مہوش حیات کا اکشے کمار کی فلم پر اظہار برہمی

انٹرٹینمینٹ متفرق خبریں 
 
پاکستانی اداکارہ مہوش حیات کا اکشے کمار کی فلم پر اظہار برہمی

کراچی : معروف اداکارہ مہوش حیات نے بالی وڈ کی نئی ریلیز ہونے والی فلم پر شدید تنقید کی ہے، فلم میں مسلمانوں کو ولن دکھانے پر مہوش حیات ڈائریکٹر پر برس پڑیں ۔ 

تفصیلات کے مطابق اداکارہ مہوش حیات نے اکشے کمار کی حالیہ ریلیز ہونے والی فلم " سوریا ونشی " پر شدید اظہار برہمی کیا ہے سوشل میڈیا پر اپنے ٹویٹ پیغام میں ان کا کہنا تھا کہ فلم میں جان بوجھ  کر مسلمانوں کو بطور ولن پیش کیا گیا ہے ۔ 

اداکارہ مہوش حیات نےاپنے ردِ عمل میں کہا کہ بالی وڈ کی نئی فلم سوریا ونشی اسلاموفوبیا کو بڑھاوا دے رہی ہے، یہ رجحان ہالی وڈ میں بدل رہا ہے اور مجھے امید ہے کہ سرحد کے اس پار بھی اس کی پیروی کی جائے گی، اگر فلم میں مثبت عکاسی نہیں کر سکتے تو کم از کم انصاف ضرور کرنا چاہئے ۔ 

وزیر اعظم شہباز شریف کا دورہ کراچی، مزار قائد پر حاضری

یاد رہے کہ روہت شیٹھی کی ہدایت کاری میں بننے والی سوریا ونشی وہ پہلی فلم ہے جو بھارت میں کورونا لاک ڈاؤن کے خاتمے کے بعد سینما گھروں کی زینت بنی ہے اور کامیابی کے کئی ریکارڈ قائم کرچکی ہے ۔ 

فلم سوریا ونشی میں مسلمانوں کو ولن کے طور پر دکھا کر اسلاموفوبیا کو فروغ دینے کی کوشش کی گئی ہے جس پر شدید تنقید بھی کی جا رہی ہے۔ تاہم روہت شیٹھی کا کہنا ہے کہ میری پچھلی فلموں میں ہندوؤں کو ولن دکھانے پر کبھی تنقید نہیں کی گئی۔ انہوں نے کہا کہ فلم میں مسلمانوں کو ولن کے طور پر پیش کرنا کسی خاص ایجنڈے کا حصہ نہیں ہے۔

ایران کے صدر ابراہیم رئیسی دورہ پاکستان مکمل کرکے واپس روانہ