پاکستان کر کٹ ٹیم کی نائب کپتانی کرنا میرے لیے ناقابل یقین ہے، شاداب خان

پاکستان کر کٹ ٹیم کی نائب کپتانی کرنا میرے لیے ناقابل یقین ہے، شاداب خان
فوٹو۔۔۔۔۔۔ ٹوئٹر

اسلام آباد: پاکستان کرکٹ ٹیم کے نائب کپتان شاداب خان کا کہنا ہے کہ پاکستانی کرکٹ ٹیم کی نائب کپتانی میرے لیے ناقابل یقین ہے۔

شاداب خان نے سماجی رابطے کی ویب سائٹ ٹوئٹر پر اپنے ایک ٹوئٹ میں کہا ہے کہ پاکستان کے لیے کھیلنا میرے لیے خواب تھا لیکن کر کٹ ٹیم کی نائب کپتانی کرنا میرے لیے ناقابل یقین ہے۔

شاداب خان نے کہا ہے کہ ون ڈے اور ٹی ٹوئنٹی کرکٹ میں پاکستان ٹیم کی نائب کپتانی کرنا اعزاز کی بات ہے۔انہوں نے اپنے ٹوئٹ میں کرکٹ ٹیم کے کپتان بابر اعظم سے متعلق بات کرتے ہوئے کہ مزید کہا ہے کہ بابراعظم کی مکمل سپورٹ کرتا ہوں، اپنی سو فیصد پرفارمنس دوں گا۔

خیال رہے کہ قومی ٹیم کے ہیڈ کوچ نے آج زمبابوے کیخلاف ون ڈے اور ٹی 20 ہوم سیریز کیلئے 22 رکنی اسکواڈ کا اعلان کیا جس میں بابر اعظم کو کپتان جبکہ شاداب خان کو نائب کپتان مقرر کیا ہے۔