جمیکا: ویسٹ انڈیز کے مایہ ناز بلے باز کرس گیل نے نیوزی لینڈ کرکٹ ٹیم کے دورہ ختم کرنے کے بعد اعلان کیا ہے کہ وہ پاکستان جا رہے ہیں، کون ان کیساتھ چلے گا؟
084df49dfe25955c4f8ab6c7b53f9c03
خیال رہے کہ نیوزی لینڈ کرکٹ بورڈ نے پاکستان میں سیکیورٹی تھریٹ کا بہانہ بنا کر اپنی ٹیم کو واپس بلا لیا ہے۔ اس فیصلے سے ناصرف پاکستانی دل گرفتہ ہیں بلکہ دنیا بھر کے کرکٹ شائقین اس پر کڑی تنقید کر رہے ہیں۔ ان میں اب کیئربین کرکٹر کرس گیل بھی شامل ہو گئے ہیں۔
36d56e54173e9265dea7197410b5f334
کرس گیل نے پاکستان جانے کا اعلان اپنی ٹویٹ میں کیا۔ پاکستانی فاسٹ بولر محمد عامر نے اس پر تبصرہ کرتے ہوئے کرس گیل کو لیجنڈ قرار دیتے ہوئے کہا کہ پھر آپ سے وہیں ملاقات ہوگی۔
36d56e54173e9265dea7197410b5f334
اس سے قبل محمد عامر نے نیوزی لینڈ کرکٹ ٹیم کے فیصلے پر کڑی تنقید کرتے ہوئے کہا تھا کہ ہم پاکستانی دوسروں سے محبت کرنے والی قوم ہیں، ہو سکتا ہے کہ اس اقدام پر آپ کو معاف کر دیں لیکن یہ بات یقینی ہے کہ یہ فیصلہ آپ کو مستقبل میں کاٹے گا۔
fbfdb08a9031624e0fb624119e2cfa32
قومی ٹیم کے آل راؤنڈر عماد وسیم نے اپنی ٹویٹ میں لکھا تھا کہ ہم اس سیریز کا 18 سال سے انتظار کر رہے تھے لیکن کھیل شروع ہونے سے چند لمحوں پہلے نیوزی لینڈ کرکٹ ٹیم کے دورہ منسوخ کرنے کے فیصلے نے میرا دل توڑ دیا ہے۔ انہوں نے ملک میں سیکیورٹی کی صورتحال پر مکمل اعتماد کا اظہار کرتے ہوئے کہا کہ پاکستان نے کرکٹ کی واپسی کیلئے انتھک کوششیں کی، ہم اسے جاری رکھیں گے، انشا اللہ۔
119c2f14de556e9702ca78c3b72f688b
قومی کرکٹر اظہر علی نے اپنی ٹویٹ میں لکھا کہ پاک نیوزی لینڈ سیریز کی منسوخی نے میرا دل توڑ دیا۔ ہم اپنے وطن کی سیکیورٹی ایجنسز اور فورسز پر مکمل اعتماد کرتے ہیں، قومی ادارے ہمارا فخر ہے۔
b4fc29d06e39da5e691ba1b9ed5fa60c
سابق کپتان سرفراز احمد نے اس معاملے پر اپنے جذبات کا اظہار ایک خوبصورت شعر سے کیا۔ ان کا کہنا تھا کہ یہ مشکل گھڑی ہے لیکن ہمارا عزم ان مشکلات سے بہت بڑا ہے۔
e506323a1299b793ca88b18ee33d8ce9
