اسلام آباد: امریکی سفیر ڈونلڈ بلوم نے کہا ہے ہمیں سیلاب سے نمٹنے کے لیے 20 لاکھ ڈالر کی امداد کا اعلان کرتے خوشی ہو رہی ہے، تین صوبوں میں سیلاب سے متاثرہ پاکستانیوں اور افغان پناہ گزینوں کو زندگی بچانے والی اشیاء فراہم کرنے اور کمیونٹیز کی تعمیر نو میں مدد کرنے کے لیے ہے ۔امریکا پاکستانیوں کی مدد کیلئے تیار ہے۔
ترجمان یو این ایچ سی آر نے کہا ہے کہ اقوام متحدہ کا ادارہ برائے پناہ گزین پاکستان میں سیلاب سے نمٹنے کے لیے امریکا کی جانب سے 2 ملین امریکی ڈالر امداد کا خیرمقدم کرتا ہے، امریکی فنڈنگ مون سون کے سیلاب سے متاثرہ علاقوں کو دی جائے گی۔ زندگی بچانے کی سرگرمیوں اور کمیونٹی کے بنیادی ڈھانچے بشمول اسکولوں، ہسپتالوں اور پناہ گاہوں کی تعمیر نو میں مدد ملے گی۔
یہ اعلان اس وقت سامنے آیا جب پاکستان موسمیاتی تبدیلیوں کی وجہ سے شدید موسمی اثرات سے دوچار ہے، مون سون کی طوفانی بارشوں اور سیلاب نے 33 ملین سے زیادہ لوگوں کو بے گھر کیا،بڑے پیمانے پر تباہی ہوئی اور 1,400 سے زیادہ اموات ہوئیں ملک بھر میں 81 اضلاع ۔ متاثر ہوئے ہیں، جن میں سے نصف سے زیادہ افغان مہاجرین کی میزبانی کر رہے ہیں۔
امریکا کا تعاون پاکستان کے ساتھ یکجہتی اور ذمہ داری کے اشتراک کے لیے مسلسل وابستگی کو ظاہر کرتا ہے۔ امریکا کی اضافی فنڈنگ 2022 میں یو این ایچ سی آر، منصوبہ بند پروگراموں کے لیے 33 ملین ڈالر کی موجودہ امریکی شراکت میں سرفہرست ہے۔یو این ایچ سی آر خیبر پختونخوا اور بلوچستان میں افغان مہاجرین اور ان کی میزبان برادریوں کے لیے زندگی بچانے والی امداد تقسیم کر رہا ہے۔ہنگامی پناہ گاہ، حفظان صحت کی اشیاء، مچھر دانی، شمسی لالٹین اور کمبل سمیت امدادی سامان بھی تیزی سے پہنچا رہا ہے۔
یو این ایچ سی آرنمائندہ، نوریکو یوشیدا کا کہنا تھا جیسے ہی امداد پہنچ رہی ہے، متاثرہ کمیونٹیوں کو جلد از جلد امداد پہنچانے پر توجہ مرکوز رکھنی ہوگی،کئی دہائیوں سے، امریکا نے ثابت قدمی سے پاکستان میں UNHCR کے کام کی حمایت کی ہے،یہ تعاون ہماری ہنگامی ردعمل کی کوششوں کو مزید تقویت دیتا ہے ۔
