پرویز مشرف کیخلاف کرپشن کی تحقیقات کاحکم

پرویز مشرف کیخلاف کرپشن کی تحقیقات کاحکم
فوٹو: فائل

اسلام آباد قومی احتساب بیورو (نیب ) نے پرویز مشرف کیخلاف کرپشن کی تحقیقات کاحکم دے دیا،پرویز مشرف پرآمدن سے زائد اثاثے بنانے کا الزام ہے۔


تفصیلات کے مطابق چیئرمین نیب کی زیرصدارت نیب ایگزیکٹو بورڈ کا اجلاس ہوا۔ جس میں کرپشن کیخلاف جاری کیسز کا جائزہ لیا گیا۔ اس موقع پرنیب نے پرویز مشرف کیخلاف آمدن سے زائد اثاثوں پرانکوائری کا حکم دے دیا۔ نیب نے مونس الٰہی اور علیم خان کیخلاف آف شور کمپنیوں کے الزام میں انکوائری کی جانچ پڑتال کرنے اور وفاقی وزیرہاوسنگ اکرم درانی کیخلاف بھی کرپشن الزامات کی انکوائری کا حکم دے دیا ہے۔

یہ بھی پڑھیں۔۔۔نیب کا سیکرٹری بلدیات سندھ رمضان سولنگی کے گھر چھاپہ، 3 کروڑ15 لاکھ روپے برآمد کرلئے

اکرم درانی پرمساجد کیلئے اراضی من پسند افراد کوالاٹ کرنے کا الزام ہے۔صدر بینک آف پنجاب نعیم الدین اور یوسف عبداللہ اور کیوبا میں پاکستانی سفیر کامران شفیع ودیگر کیخلاف انکوائری کاحکم دے دیا۔چیف میکنیکل انجینئر ریلوے انکوائری کرنے کی ہدایت کردی ہے۔نیب ایگزیکٹو بورڈ نے مونس الٰہی اور علیم خان کیخلاف آف شور کمپنیوں کے الزام میں انکوائری کاحکم دے دیا ہے۔ نیب اجلاس میں مزید محکموں کے افسران کے خلاف بھی انکوائریوں کا حکم دیا گیا ہے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں