سابق وزیراعلیٰ پنجاب شہبازشریف کی نیب میں‌ پیشی، دو گھنٹے پوچھ گچھ

سابق وزیراعلیٰ پنجاب شہبازشریف کی نیب میں‌ پیشی، دو گھنٹے پوچھ گچھ

image by facebook

لاہور: سابق وزیراعلیٰ پنجاب شہبازشریف نیب آفس میں پیشی کے بعد واپس روانہ ہوگئے، پیشی پر ان سے دو گھنٹے سوالات کیے گئے۔

تفصیلات کے مطابق آج مسلم لیگ ن کے صدر شہباز شریف نیب میں پیش ہوئے، جہاں‌ 3 رکنی تحقیقاتی ٹیم نے دو گھنٹے تک ان سےسوالات کیے.

سابق وزیراعلیٰ‌ پنجاب کو پاورڈیویلپمنٹ کمپنی کیس میں طلب کیا گیا تھا، ان پر بے ضابطگیوں اور میرٹ کو نظرانداز کرتے ہوئے بھرتیوں کا الزام ہے۔

یاد رہے کہ ماضی میں نیب لاہور کی جانب سے سابق وزیر اعلی پنجاب کو پہلے صاف پانی کرپشن کیس اور پنجاب پاور ڈویلپمنٹ کمپنی کیس میں طلب کیا جا چکا ہے۔

نیب لاہور 56 کمپنیز کرپشن کیس میں کروڑوں روپے کی کرپشن پر پہلے ہی تحقیقات کر رہا ہے، نیب 56 کمپنیز کیس کے حوالے سے اپنی رپورٹ سپریم کورٹ میں بھی جمع کروا چکا ہے۔

واضح رہے کہ نیب نے گذشتہ ماہ جولائی میں شہبازشریف کو پنجاب پاور کمپنی اسکینڈل سے متعلق پوچھ گچھ کے لئے طلب کیا تھا، جس کے احکامات سابق وزیر اعلیٰ پنجاب نے ہوا میں اڑا دیے تھے۔