ماہرہ خان کا اپنے قریبی دوست کی شادی میں رقص

ماہرہ خان کا اپنے قریبی دوست کی شادی میں رقص
کیپشن:   image by Instagram

کراچی : پاکستان کی معروف اداکارہ ماہرہ خان کا اپنے قریبی دوست کی شادی میں رقص ، سوشل میڈیا پر ویڈیو وائرل ہوگئی۔

تفصیلات کے مابق معروف اداکارہ ماہرہ خان کئی ہفتوں سے اپنی فلم 'سپرسٹار' کی تشہیر میں مصروف تھی تاہم اب آخر کار وہ فلم کی ریلیز کے بعد باآسانی دوسری تقریبات کا بھی حصہ بن رہی ہیں۔حال ہی میں کراچی واپس آنے کے بعد ماہرہ خان اپنے قریبی دوست کی شادی کی تقریبات کا حصہ بنی، جہاں انہوں نے اپنی ہی فلم 'سپراسٹار' کے گانوں پر رقص کیا۔

اس دوران اداکارہ کے رقص کی ویڈیوز بھی سوشل میڈیا پر خوب وائرل ہوئیں، یہ شادی ماہرہ خان کے قریبی دوست اور نامور میک اپ آرٹسٹ بابر ظہیر کی تھی جہاں ماہرہ خان کے علاوہ کئی نامور شخصیات نے شرکت کی۔ماہرہ خان نے اس موقع پر اپنے گانے 'نوری' پر رقص کیا ، وہ سیاہ اور سنہرے رنگ کے خوبصورت لباس میں ملبوس نظر آئیں ، اداکارہ کے ساتھ اس موقع پر ہانیہ عامر، ان کے فلم کے ہدایت کار احتشام الدین اور آذان سمیع خان بھی نظر آئے۔

میک اپ آرٹسٹ بابر ظہیر کا تعلق کراچی سے ہے جو کئی نامور اداکاروں کے میک اپ آرٹسٹ رہ چکے ہیں ، خیال رہے کہ 'نوری' گانا ماہرہ خان کی فلم 'سپراسٹار' میں موجود تھا۔اس گانے کی ویڈیو بھی انٹرنیٹ پر خوب وائرل ہوئی تھی، جبکہ ماہرہ خان نے خود بھی ایک انٹرویو میں اس گانے میں کیے اپنے رقص کے حوالے سے بات کی تھی۔

ماہرہ خان کی فلم 'سپراسٹار' میں ان کے ہمراہ بلال اشرف نے اہم کردار نبھایا، اس فلم کو تجزیہ کاروں اور شائقین کا ملا جلا ردعمل موصول ہورہا ہے۔