پی ایس ایل تھری ٹرافی کی دبئی میں رونمائی ، تمام ٹیموں کے کپتانوں کی شرکت

psl 3 trophy unvail by pcb chairman najam sethi پی ایس ایل تھری ٹرافی رونمائی

دبئی : پی ایس ایل تھری کی ٹرافی کی رونمائی دبئی میں کر دی گئی ، تقریب میں تمام ٹیموں کے مالکان اور کپتانوں نے شرکت کی ، نجم سیٹھی نے کہا کہ پر امید ہیں کہ نیوزی لینڈ کی ٹیم لاہور میں آ کر کھیلے گی ۔

تفصیلات کے مطابق پی ایس ایل تھری کی ٹرافی کی رونمائی دبئی میں کر دی گئی ، تقریب میں تمام ٹیموں کے مالکان اور کپتانوں نے شرکت کی ۔

اس موقع پر پی سی بی کے چیئرمین نجم سیٹھی نے کہا کہ سرفراز احمد نے بطور کپتان پاکستان کو بہت خوشیاں دی ہیں   ، شعیب ملک کو اس مرتبہ ملتان سلطان کا کپتان بنایا گیا ہے۔

انھوں نے کہا کہ کراچی کنگز کی کپتانی عماد وسیم کو دی گئی ہے ، اس سلسلے میں برینڈن میکلم ہماری مدد کریں گے ، عماد وسیم پاکستان کے ابھرتے ہوئے کھلاڑی ہیں ، کراچی کنگز جیتی تو عماد وسیم مستقبل کے کپتان بھی ہو سکتے ہیں۔

ڈیرن سیمی کا کہنا تھا کہ پی ایس ایل پاکستان کا بہترین ٹورنامنٹ ہے ، اگر پی ایس ایل کا فائنل جیتے تو کراچی میں آ کر کھیلیں گے۔

سابق کپتان اور آل رائونڈر شاہد آفریدی نے کہا کہ عزت افزائی پر نجم سیٹھی کے شکر گزار ہوں ، پی ایس ایل کی مقبولیت میں ان کا کردار ناقابل فراموش ہے۔