اسلام آباد: مریم اورنگزیب نے کہا ہے کہ عمران مافیا کرپشن، چوری اور معیشت کی تباہی کی ذمہ داری کسی اور پر نہیں ڈال سکتا۔ اسٹیٹ بینک آپ کی نالائقی اور نااہلی کی داستان سنا رہا ہے اور کیا 18 ماہ میں تاریخی قرض اپوزیشن نے لیا ہے۔
ترجمان مسلم لیگ نون مریم اورنگزیب اپنے بیان میں کہا ہے کہ عمران صاحب جن کے گھر روٹی نہیں اُن کو میڈیا کیا بتائے گا، 18 ماہ میں جن کے روزگار، کاروبار چھن گئے میڈیا انہیں کیا بتائے گا۔
انہوں نے کہا حکومت کا ادارہ شماریات آپ کے اٹھارہ ماہ میں ترقی کی شرح 5.8 سے 1.9 فیصد اور مہنگائی کی شرح 3 سے 14 فیصد دکھا رہا ہے، غریبوں کی 18 ماہ میں ہسپتالوں میں مفت دوائی بند ہو گئی اور روپے کی قدر میں 35 فیصد کمی ہوئی۔
