طلباء کے لئے خوشخبری، پی ایچ ڈی کیلئے ایم ایس اور ایم فل کی شرط ختم

طلباء کے لئے خوشخبری، پی ایچ ڈی کیلئے ایم ایس اور ایم فل کی شرط ختم
کیپشن:    طلباء کے لئے خوشخبری، پی ایچ ڈی کیلئے ایم ایس اور ایم فل کی شرط ختم سورس:   فائل فوٹو

اسلام آباد: ہائر ایجوکیشن کمیشن نے پی ایچ ڈی کے لیے ایم ایس اور ایم فل کی شرط ختم کر دی۔ چیئرمین ھائیر ایجوکیشن کمیشن طارق بنوری نے اس بابت کہا ہے کہ پی ایچ ڈی میں ایم ایس، ایم فل کی شرط ختم کر دی گئی ہے۔ طلبا اب بی ایس کے بعد براہ راست پی ایچ ڈی میں داخلہ لے سکتے ہیں۔

طارق بنوری کا کہنا تھا کہ طلبا کے لیے پریکٹیکل کے طور پر انٹرنشپ لازمی قرار دی گئی ہے جبکہ طلبا اپنے شہر میں رہ کر ان پیڈ انٹرنشپ کریں گے۔ انہوں نے کہا کہ ہمیں ڈگری کی ویلیو بڑھنے کی فکر ہے اور طلبا کو غیر نصابی سرگرمیوں میں حصہ لینا لازمی ہو گا۔ چیئرمین ایچ ای سی طارق بنوری کا کہنا تھا کہ جنرل ایجوکیشن لینا بھی لازمی ہو گا۔

گزشتہ برس نومبر میں ہائر ایجوکیشن کمیشن (ایچ ای سی) نے 2 سالہ ڈگری پروگرام ختم کرنے کا اعلان کیا تھا۔ ایچ ای سی نے 2018 کے بعد تمام 2 سالہ ڈگریاں غیر قانونی قرار دے دی تھیں اور اعلان کیا گیا تھا کہ اب کسی بھی کالج سے بی اے، بی کام اور بی ایس سی کی ڈگری نہیں ملے گی۔

ایچ ای سی کے مطابق 2018 میں پابندی کے باوجود غیر قانونی پروگرام کا اجرا تشویشناک ہے اور یونیورسٹیاں فوری طور پر ایسے پروگرامز میں داخلے بند کر دیں کیونکہ ایچ ای سی 31 دسمبر 2018 کے بعد ایسی کسی ڈگری کو تسلیم نہیں کرے گی۔