لاہور: کورونا وائرس کے ایک بار پھر تیزی سے بڑھتے کیسز کے سبب صوبائی دارالحکومت لاہور میں سرکاری اور نجی سکولوں نے گزشتہ روز لگنے والی نئی پابندیوں کے مطابق کلاسز کا اہتمام کیا گیا، جس کے تحت پہلی سے چھٹی جماعت تک کلاسز میں 50 فیصد حاضری رکھی گئی۔
لاہور کے سکولوں نے پنجاب کے وزیر تعلیم مراد راس کے اعلان کردہ شیڈول پر عمل درآمد شروع کر دیا جس کے مطابق لاہور ضلع میں پہلی سے چھٹی جماعت تک کی کلاسوں میں صرف 50 فیصد حاضری رکھی جائے گی جبکہ طلباء ساتویں جماعت سے 12ویں جماعت تک معمول کے مطابق کلاسز میں حاضر ہوں گے۔یہ فیصلہ پنجاب میں کورونا وائرس کی صورتحال میں اضافے کو مدنظر رکھتے ہوئے کیا گیا ہے۔
خیال رہے کہ گزشتہ روز صوبائی وزیر تعلیم مراد راس نے اس حوالے سے ٹوئٹ بھی کرتے ہوئے "تمام سرکاری اور پرائیویٹ اسکولوں کیلئے نئے شیڈول کا اعلان کیا تھا۔
ANNOUNCEMENT
— Murad Raas (@MuradRaasMR) January 19, 2022
Only in Lahore:
In all Public & Private Schools, classes up to Grade 6 will be staggered (50% students each day) starting tomorrow January 20th through January 31st, 2022. Classes 7 through 12 will remain on the previous schedule. Please follow COVID SOPs.
مراد راس نے طلباء، اساتذہ اور اسکول کے عملے پر زور دیا کہ وہ ماسک پہنیں اور مہلک وبا سے محفوظ رہنے کے لیے سماجی دوری کو یقینی بنائیں۔
