ورلڈ چمپئن شپ کے بعد کیرئیر اختتام پذیر ہوگا، یوسین بولٹ

مناکو:دنیا کے تیز ترین انسان کا اعزاز پانے والے یوسین بولٹ کا انٹرنیشنل کیرئیر ورلڈ چمپئن شپ کے ساتھ اگست میں ختم ہو جائے گا ۔ یوسین بولٹ کاکہناتھا کہ وہ فاتح کی حیثیت سے رخصت ہونا چاہتاہوں ۔

مناکو میں گفتگو کرتے ہوئے اولمپکچمپئن یوسین بولٹ نے تصدیق کی کہ اگست میں ورلڈچمپئن شپ کے ساتھ ان کا کیرئیر اختتام کو پہنچے گا۔اولمپکس میں 8 گولڈ میڈلز جیتنے والے یوسین بولٹ لندن میں 100میٹر اور4 ضرب 100میٹر ریس میں ایکشن میں ہوں گے ۔

200 میٹر میں اولمپک گولڈ جیتنے والے یوسین بولٹ نے واضح کیا کہ وہ لندن میں 200 میٹر ریس میں حصہ نہیں لیں گے ۔ یوسین بولٹ نے کہا کہ ان کا ٹارگٹ ورلڈ چمپئن شپ جیتنا اور فاتح کی حیثیت سے کیرئیر کو اختتام پذیر کرنا ہے۔ ورلڈ چمپئن شپ 4 تا 13 اگست کے دوران لندن میں ہو گی۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں