شملہ :بھارت میں مسافر بس کھائی میں گرنے سے 28افراد ہلاک اور 7زخمی ہوگئے،وزیراعظم نریندر مودی نے حادثے پر افسوس کا اظہار کرتے ہوئے زخمیو ں کی جلد صحت یابی کیلئے نیک خواہشات کااظہا رکیا ہے ۔جمعرات کو بھارتی میڈیا کے مطابق حادثہ ریاست ہماچل پردیش کے دارالحکومت شملہ میں مشہور سیاحتی مقام سے 140کلومیٹر دور رام پور کے قریب پیش آیا .
ریاستی پولیس سربراہ سومیا سمباسیوان نے بتایا کہ بس میں چالیس کے لگ بھگ افراد سوار تھے اور یہ ضلع کنار سے سولن جاتے ہوئے 200 میٹر نیچے دریا کے کنارے پر جا گری۔ ان کے بقول 7 مسافر زخمی ہیں جبکہ تمام لاشوں کی شناخت بھی مکمل کر لی گئی ہے۔
زخمیو ںکو فوری طور پر قریبی ہسپتالوں میں منتقل کردیا گیا ۔حکام کا کہنا ہے کہ بس میں 35سے زائد مسافر سوار تھے ۔بس کا ڈرائیور اور کنڈیکٹر زخمی ہونے والوں میں شامل ہیں۔پولیس کے مطابق بس ڈرائیور ایک دوسری بس کو اوور ٹیک کرتے ہوئے اپنی بس پر کنٹرول کھو بیٹھا ۔
وزیراعظم نریندر مودی نے ٹویٹر پر اپنے بیان میں بس حادثے پر افسوس کا اظہار کرتے ہوئے زخمیو ں کی جلد صحت یابی کیلئے نیک خواہشات کااظہا رکیا ہے ۔بھارت میں ہر سال ڈیڑھ لاکھ سے زائد افراد ٹریفک حادثات میں مارے جاتے ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
