اسلام آباد: وزیراعظم عمران خان کا کہنا ہے کہ نیوزی لینڈ میں مساجد پر حملے میں شہید نعیم راشد کی اہلیہ کے الفاظ سے دنیا پر اللہ اور اسکے رسول ﷺ پر ایمان کی حقیقی قوت کا راز کھل جانا چاہیے۔
وزیراعظم عمران خان نے ٹوئٹر پر نعیم راشد کی اہلیہ کو خراج عقیدت پیش کرتے ہوئے کہا کہ شہید نعیم راشد کی اہلیہ کے ان الفاظ سے عالم اسلام اور غیر اسلامی دنیا سب پر اللہ اور اسکے رسول صل اللہ علیہ وسلم پر ایمان کی حقیقی قوت کا راز کھل جانا چاہئیے۔
facbed3ca62b45a841a79660e73ad063
وزیراعظم نے کہا کہ یہ عقیدہ بھی کھل جانا چاہئیے کہ اللہ اور اس کے رسول صل اللہ علیہ وسلم پر ایمان انسانوں کی کایا پلٹتے ہوئے کیسے انہیں تقویت بخشتا اور محبت سے آشنا کرتا ہے کہ وہ خود سے اپنے پیاروں کو چھین لینے والے سفاک قاتل اور دہشت گرد کے بارے میں بھی دل میں رحم سنبھال رکھتے ہیں۔
da5c8da0159fce516955132b9e05b549
خیال رہے کہ نعیم راشد کی بیوہ نے مقامی رپورٹرکو انٹرویو دیتے ہوئے کہا کہ شوہر اور بیٹے کی شہادت نے مزید مضبوط بنا دیا ہے۔ ان کا ایمان اور زیادہ مضبوط ہو گیا ہے جب کہ مجھے اب حملہ آور پر ترس آتا ہے کہ اس کے دل میں پیار کی جگہ نفرت تھی اور وہ ہماری طرح اطمینان اور سکون محسوس نہیں کر سکتا تھا۔ میں یقینی طور پر اپنے شوہر اور بیٹے کا آخری دیدار کرنا چاہتی ہوں۔
