ملائیشیاء میں ہاٹ ڈاگ فروخت کرنے پر پابندی عائد

ملائیشیاء میں ہاٹ ڈاگ فروخت کرنے والے دکانداروں سے کہا گیا ہے کہ اگر وہ چاہتے ہیں کہ حلال غذائی اشیا کے لیے ان کا سرٹیفیکٹ منسوخ نہ کیا جائے تو وہ ہاٹ ڈاگ کا نام فوری طور پر تبدیل کر لیں۔
ملائیشیئن اسلامک ڈیویلپمنٹ ڈپارٹمنٹ' کا کہنا ہے کہ بہت سے مسلم سیاحوں کی شکایات کے بعد نام تبدیل کرنے کا یہ فیصلہ کیا گیا ہے۔محکمہ کے ڈائریکٹر نے کہا کہ اس نام سے پریشانی ہوتی ہے۔
اسلام میں کتوں کو نجس مانا جاتا ہے اور ایسے ناموں کو حلال کی تصدیق سے نہیں جوڑا جا سکتا۔فیصلے پر سوشل میڈیا پر بھی بحث شروع ہو گئی ہے اور لوگ طرح طرح کی رائے کا اظہار کر رہے ہیں۔