مفتی عبدالقوی کی طبعیت تسلی بخش قرار ، تمام ٹیسٹ نارمل

مفتی عبدالقوی کی طبعیت تسلی بخش قرار ، تمام ٹیسٹ نارمل

ملتان: ڈاکٹروں نے مفتی عبدالقوی کی طبعیت کو تسلی بخش قرار دے دیا۔ گزشتہ رات مفتی عبدالقوی کو دل میں تکلیف ہوئی اور طبعیت بگڑنے پر انہیں انسٹی ٹیوٹ آف کارڈیالوجی منتقل کیا گیا جہاں ڈاکٹروں نے فوری انہیں طبی امداد فراہم کی اور مختلف ٹیسٹ کیے گئے۔


اسپتال کے ایم ایس ڈاکٹر ظفر علوی کا کہنا ہے کہ مفتی عبدالقوی پہلے سے دل کے عارضے میں مبتلا ہیں تاہم اب ان کے تمام ٹیسٹ نارمل آئے ہیں اور ان کی طبعیت بہتر ہے تاہم ان کو اسپتال سے ڈسچارج کرنے کا فیصلہ مزید رپورٹس کے بعد کیا جائے گا۔

یاد رہے جوڈیشل مجسٹریٹ نے قندیل بلوچ قتل کیس میں مفتی عبدالقوی کا 4 روزہ جسمانی ریمانڈ منظور کر کے انہیں پولیس کے حوالے کیا تھا۔ واضح رہے کہ پولیس نے مفتی عبدالقوی کو قندیل بلوچ قتل کیس میں ضمانت خارج ہونے کے بعد جھنگ جاتے ہوئے گرفتار کیا تھا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں