پاکستان کشمیریوں کے خود ارادیت کے حق کا سب سے بڑا وکیل ہے، فواد چودھری

پاکستان کشمیریوں کے خود ارادیت کے حق کا سب سے بڑا وکیل ہے، فواد چودھری
وفد نے حکومت کی جانب سے کشمیریوں کی بھرپور حمایت کے اظہار کو سراہا، فواد چودھری۔۔۔۔۔۔۔فائل فوٹو

اسلام آباد: وفاقی وزیر اطلاعات و نشریات فواد چودھری نے کہا ہے کہ کشمیریوں کے صبر و استقلال سے بھارتی ظلم ہار چکا ہے۔ پاکستان کشمیریوں کے حق خود ارادیت کا سب سے بڑا وکیل ہے جبکہ جو ہر فورم پرکشمیریوں کی جدوجہد آزادی کو اجاگر اور بھارتی مظالم کو بے نقاب کرتا رہے گا۔


وفاقی وزیر اطلاعات فواد چوہدری سے حریت کانفرنس اور جموں کشمیر تحریک حق خود ارادیت انٹرنیشنل کے وفد نے اسلام آباد میں ملاقات کی۔ اس موقع پر گفتگو کرتے ہوئے فواد چودھری کا کہنا تھا کہ مقبوضہ کشمیر میں بھارتی ریاستی دہشت گردی کی شدید مذمت کرتے ہیں اور کشمیریوں کے صبر و استقلال سے بھارتی ظلم ہار چکا ہے۔

وزیر اطلاعات کا کہنا تھا کہ پاکستان کشمیریوں کے خود ارادیت کے حق کا سب سے بڑا وکیل ہے۔ پاکستان ہر فورم پرکشمیریوں کےحق خود ارادیت کی جدوجہد کو اجاگر اور بھارتی مظالم کو بے نقاب کرتا رہے گا۔ ان کا مزید کہنا تھا کہ وفد نے حکومت کی جانب سے کشمیریوں کی بھرپور حمایت کے اظہار کو سراہا۔ وفد میں راجہ نجابت حسین، عبدالحمید لون اور دیگر شامل تھے۔